Öyrənmək heç vaxt gec deyil.

Bu cümlə hər zaman beynimi qurcalıyıb. Heç vaxt gec deyil. Dünya şöhrətli yazar Lev Tolstoy 67 yaşında velosiped sürməyi öyrənmişdi. Bu, bizə heç vaxt gec deyil şüarını xatırladır.

17 avqust 2017-ci ildə uzun zaman düşündükdən sonra saytı açmağa qərar verdim. Məqsədim Azərbaycan dilində elmi məqalələr yazmaq, Azərbaycan dilindəki informasiya sayını artıra bilmək idi.
Universitetdə təhsil aldığım zaman dərslərə, imtahanlara, monitorinqlərə hazırlaşarkən internetdən azərbaycanca dərsliklər tapmaq demək olar ki, mümkünsüz hala çevrilmişdi. Bunun üçün ya ingilis və rus dillərində tapdığımız məqalələri öz dilimizə çevirməli ya da kitabxanalardan məlumat əldə edib bundan istifadə etməli idik. Bu isə vaxt itkisi idi. Düzdür, artıq universiteti bitirəli 2 il olmuşdu. Ancaq gələcəkdə başqalarının da bu problemləri yaşamaması üçün, Azərbaycan dilində informasiya qıtlığına son vermək üçün mən də bir iş görməli idim. Saytı açmaq qərarına gəlməzdən əvvəl araşdırmalar apardım. Qarşıma Rezonans,Yaşıl Elm, Elm Azerbaycan və s. kimi elmi-kütləvi janrda fəaliyyət göstərən saytlar çıxdıqca daha da motivə oldum. Dostlarımın da dəstəyini inkar edə bilmərəm. Dostlarımla birlikdə ElmTehsil.com kollektivini yaratdıq.

ElmTehsil.com olaraq elmi araşdırmaları başa düşülən, yorucu olmayan və axıcı bir dillə oxucularımıza çatdırmaq niyyətindəyik. Başlıca hədəfimiz düşünən, öyrənən bir toplumun yaranmasında çox kiçik də olsa bir rol oynamaqdır. Zamanla insanların qarşısında dayanmış cəhalət divarını dağıdacağımıza inanırıq.

ElmTehsil.com kollektivi olaraq hədəflərimizdən biri də missiyamızı sadəcə internet dünyası ilə məhdudlaşdırmamaqdır. Ancaq bunun həyata keçirilməsi üçün siz oxucuların təklif və iradlarına ehtiyacımız olacaqdır.

ElmTehsil.com kollektivi olaraq sizlərə faydalı ola biləcəyini düşündüyümüz kitablardan ibarət kitabxana təqdim edirik - online oxuya və yükləyə bilərsiniz.

Həmçinin müxtəlif sahələrdə və müxtəlif dillərdə video dərsliklərimiz vasitəsilə öz bilik və bacarıq səviyyənizdə xeyli irəliləyiş əldə edə biləcəksiniz.

Əziz oxucular, siz android tətbiqetməni yükləyərək xəbərlərdən,məlumatlardan daha tez və rahat agah ola bilərsiniz.

Dəyərli vaxtınızı ayırdığınız üçün təşəkkür edirik.

Android Proqramı Yüklə

Android proqramı yükləyərək elmi-texnoloji yeniliklərdən məlumat ala, kitabxanadan istifadə edə, video dərsliklərdən yararlana bilərsiniz.

Yüklə

Ən Çox Oxunanlar

1

Bal arıları haqqında 8 məlumat

Müəllif: Əlibaba Əliyev
3

Surroqat toyuqlar yaradılıb

Müəllif: Əlibaba Əliyev
4

Kufus Politalamiya

Müəllif: Əlibaba Əliyev

E-mail Üzvlüyü

E-mail vasitəsilə məlumatlanmaq istəyirsinizsə abunə olmağı unutmayın.

Təsadüfi

2018-07-07

Xromosomlar

Bizi İzləyin